Neisillačču pietäh Petroskois

Karjalazien perindölöin mugah, konzu andilastu vietäh sulhazen edeh, hänel piäl on verho. 6+ Kuva: Margarita Kemppainen

Karjalan taidomuzein Ven’an zualas 27. kezäkuudu pietäh neisillačču. Omah pidoh kuččuu Sinun neisillačču Karjalas -projektu. Pivos Nasto-tansitaidojoukko ezittäy omua nägyö, kui valmistettih andilastu svuad’bah, kui kaimattih uudeh elaigah.

— Pivon toizes puoles kaččojile ozutetah Karjalan dizaineroin Marija Čerepanovan, Anna Kablašan, Marija Seliverstovan da Jekaterina Sidorovan svuad’bukogomuksii, ilmoittau Taidomuzei omassah VK-sivul.

Pivon nähtävyksenny roitah Anna Muskatinan da Ksenija Vihodtsevan luajitut kaunehet svuad’bučomendukset.

Lippuloi pidoh myvväh vaigu online, ostua voibi täs. Tilat on miärätty.

Liity Oma Median MAX-kanavalle!