Naiset perintehien šäilyttämisen puolešta – Anomukšien vaštahotto kilpailuh on alkan
On alkan anomukšien vaštahotto kanšainväliseh kilpailuh Naiset ollah perintehien šäilyttämisen puolešta, mi yllyttäy naisie muailman eri puolilta jakamah istorijoja pereh- ta kulttuuriarvojen šäilyttämiseštä.
— Ušomma, jotta perintehet eletäh ei ainuoštah perehissä, ka niise työkollektiiviloissa, järještölöissä ta äšen bisnessissä. Tämä kilpailu on mahollisuš näyttyä, mitein naiset šäilytetäh ta šiirretäh arvoja etehpäin, kerrotah kilpailun järještäjät.
Tänä vuotena kilpailu on levennyn kanšainvälisekši ta šisältäy uušie nominatijoja. Naiset voijah kertuo perintehellisistä arvoista, kulttuurien välisistä šilloista ta kanšainväliseštä yhteisvaikutukšešta, kanšallisen kulttuurin perintehistä, naisista, kumpaset puoluššetah Isänmuata, perintehistä bisnessissä šekä ammattišukupuista.
Kuin ošallistuo: kirjuta perintehistä pereheššä tai työelämäššä omalla VK-šivulla, lisyä postih kuva tahi video, käytä #ЖенщиныЗаСохранениеТрадиций -heštegi.
Ulkomaiset ošallistujat, kumpasilla ei ole VK-šivuo, voijah ošallistuo Kanšallisen istorijallisen muisson keškukšen verkkošivujen kautti.
Anomukšie otetah vaštah 30. šyyškuuta 2025 šuaten.
Kerro perintehistä, mit eletäh šiun pereheššä tai työelämäššä — ta yllytä toisie!
Aihiešta voit lukie niise vepšäkši.
