Periodika-kuštantamon järještämäh Karjalan, vepšän ta šuomen kielen tietäjien online-kilpailuh šai ošallistuo Karjalan kaikki eläjät huolimatta ijäštä. Kanšainvälisen muamonkielen päivänä kilpailun järještäjät ilmotettih tulokšet.
— Karjalankielisien ošanottajien kešen vienankarjalaisie kilpailutöitä oli kaikešta enemmän tänä vuotena. Še ihaššutti, šamoin kuin šeki, jotta oli äijän nuorie ihmisie ta hyö näytettih hyvie tietoja. Yhtenä tehtävänä oli kirjuttua kertomuš muamonkieleštä ta oli mukava lukie niitä, šano vienankarjalan nominatijon pitäjä ta ruatojen tarkistaja, Oma Mua -lehen piätoimittaja Maikki Spitsina.
Kilpailušša oli viisi nominatijuo:
— karjalan kielen vienan murtehen ta kanšallisen kulttuurin tietäjät -nominatijošša voitettih Valerija Fotejeva, Inna Volkova, Raisa Remšujeva ta Marina Sorokina.
— karjalan kielen livvin murtehen ta kanšallisen kulttuurin tietäjät -nominatijošša voitettih Ol’ga Ivanova, L’udmila Blinkova, Valentina Libertsova.
— karjalan kielen lyydin murtehen ta kanšallisen kulttuurin tietäjät -nominatijošša voittettih Ol’ga Mäkelä ta Ol’ga Pozdnjakova.
— vepšän kielen ta kanšallisen kulttuurin tietäjät -nominatijošša voitettih Irina Popova, Valerija Smirnova ta Irina Smirnova.
— šuomen kielen ta kanšallisen kulttuurin tietäjät -nominatijošša voitettih Svetlana Tumanova (aikuhisien kešen), Jelena Glička (koululaisien kešen) ta erikoislahjat šuahah Irina Popova ta Jekaterina Bikova.
Kilpailun viiteh nominatijoh ošallistu yhteh lašettuna 162 ihmistä Petroskoista ta Karjalan piirilöistä.
Voittajat šuaha lahjoja kevätkuun 1. päivänä Periodika-kuštantamošša.
Kilpailušta voit lukie niise šuomekši ta vepšäkši.