Myö olemma Karjala -kilpailu starttasi – Ota ošua

Myö olemma Karjala -kilpailuh voijah ottua ošua Karjalan kaikki eläjät ikäh kaččomatta. 6+ Kuva: Uljana Tikkanen

Tavan mukah Muamonkielen päiväkši Periodika-kuštantamo panou rattahilla perintehellisen Karjalan, vepšän ta šuomen kielen tietäjien online-kilpailun “Myö olemma Karjala”.

Tänä vuotena kilpailu pietäh 10.—17. tuiskukuuta 2023. Ottua ošua kilpailuh voijah Karjalan kaikki eläjät ikäh kaččomatta.

— Testilöissä on kyšymykšie Karjalan kantakanšojen istorijašta ta perintehistä, kieleštä ta kieliopista, kerrotah kilpailun järještäjät. — Voittajat ilmotetah Muamonkielen päivänä, 21. tuiskukuuta, a palkintoseremonija pietäh 1. kevätkuuta.

Kilpailušša on viisi nominatijuo:

— karjalan kielen vienan murtehen ta kanšallisen kulttuurin tietäjät;

— karjalan kielen livvin murtehen ta kanšallisen kulttuurin tietäjät;

— karjalan kielen lyydin murtehen ta kanšallisen kulttuurin tietäjät;

— vepšän kielen ta kanšallisen kulttuurin tietäjät;

— šuomen kielen ta kanšallisen kulttuurin tietäjät.

Linkit kilpailuh löyvät Karjalaisien, vepšäläisien ta šuomelasien resurssikeškukšen VK-šivulla.