Mugavoičend: Karjalan eläjad voiba ühtneda onlain-änestushe
Venämal zavodihe internet-änestuz, miččen abul Karjalan eläjad voiba valita ühthižed tahod paremboitusen täht. Täl vodel änestusele ezitadihe 60 projektad. Projektad tehtas tulijal vodel uden “Infrastruktur elon täht”-projektan rahatugel. Sen polhe starinoičeb Karjalan sauvondan ministerstvan press-služb.
— Änestushe mülüiba puištod, lapsiden tandrehed da sporttandrehed. Projektoile, miččed saba enamba änid, jagetas rahad paremboitusen täht, sanub Karjalan sauvondan ministerstv.
Onlain-änestuz jatkub kezakun 12. päivähäsai. Sihe voib ühtneda zagorodsreda.gosuslugi.ru-saital.
Statistikan mödhe Karjalas “Elämištsija da lidnan elo”-projektan abul oli paremboitud 547 ühthišt tahod.
Karjalas saudas erazvuiččed objektad lebun täht. Petroskoin eläjil linneb uz’ ühthine sija, kus voib väta stolvändoihe.
Usišt necis temas voibi lugeda mugažo suomeks.
