Muamankielen päivy: Karjalan eläjii kučutah kirjuttamah saneluu vepsän kielel
”Vepsänkul’tursebr” kuččuu Karjalan eläjii kirjuttamah saneluu vepsän kielel. Sanelu pietäh 21. tuhukuudu Petroskois Periodika-julguamon seinis Karjalazien,vepsäläzien da suomelazien kielikeskuksen tilois.
— Tänävuon sanelu roih omistettu Ižänmuallizes voinas voiton 80-vuozipäiväle, ilmoittau Kanzallizen da alovehellizen poliitiekan ministerstvan lehtistöpalvelu.
Pido algavuu 17.00 aigah adresil: Petroskoi, Titovan uuličču, 3.
Ven’al 17.—28. tuhukuudu pietäh Kogo Ven’an V etnosanelu ”Ven’a — eri kanzoin kodi”. Sanelu on omistettu Kanzoinvälizele muamankielen päiväle. Pivon tarkoituksennu on Ven’an monikieližyön popul’arizatsii. Projektua todevuttau Ven’an Kanzoin Kodi Ven’an Federatsien Pohjazen, Siberin da Loittozen päivännouzupuolen vähembistökandurahvahien assotsiatsien kannatuksel.
Aihies voit lugie vepsäkse, suomekse da ven'akse.
