Muštua komedijua invalidisuon aihiešta kuvatah Karjalašša
Kormuška (Lautani, šoimi) - nimini lyhytfilmie luajitah Presidentin granttien šiätijön, Moskovan Bez granits - elokuvakoulun ta Karjalan elokuvuajien Liiton avulla.
— Nuori mieš mänöy tutuštumah tyttöyštäväh vanhempih hokšuamatta mimmoni tapuamini vuottau häntä –kertou lyhyöšti Vladimir Rudak. Hiän ei avua juonen kaikkie šaloja.
Filmie kuvatah Petroskoissa. Piäroolija esittäy Petroskoin teatterien näyttelijie, kumpasilla on monipuolini ruatokokemuš elokuvaalalla – Ol’ga Sahanova, Vlad Timonin, Gleb Germanov ta Julija Prohorova. Onnakko Viktorija Biketovalla ošallistumini kuvaukšeh on uuši mukava kokemuš.
Elokuva kertou vaikiešta aihiešta muššan komedijan kielellä ta auttau kaččuo vammaisuoh toisella tavalla. Presidentien granttien šiätijö ei kannattan šattumalta tätä Moskovan Bez granits – elokuvakoulun projektie.
