Moskovan piämiehen kuupkan kilpailut on pietty

Karjalan kyykkäjoukošša oli 10 henkie. Kuva: Karjalan kyykkäpeluajien liiton VKontakte-šivu

Karjalan kyykkä-peluajien joukko myöšty kotih hopie- ta pronssimetalien kera: Jevgenii Karakin piäsi toisella paikalla henkilökilpailušša ta Karjala-1 -naisjoukko šai pronssin joukkokilpailušša. 

— Miehien kešen oli yli 40 urheilijua. Še oli vaikie kilpailu. Moskovah tulou enemmän urheilijie, kuin toisih kilpailuih, šentäh kun tiälä on parahat kentät ta kilpailujen paraš järješšyš, šano Jevgenii Karakin.

Joukkokilpailuissa miehien kešen pelasi 14 joukkuo, naisien kešen — 11 joukkuo. Karjalašta kilpailuih tuli kolme joukkuo, niistä Karjala-1 (Tikkanen Žanna, Lesonen Marina) piäsi kolmannella paikalla. 

Kilpailuh ošallissuttih Karjalan voimakkahimmat kyykkä-peluajat, piirien välisien ta Venäjän kilpailujen voittajat.