Minun kylä -kilvan voittajat ollah tietois
Minun kylä -kilbua pietäh Jedinaja Rossija -puolovehen Ven’an kylä -projektan mugah. Ligakuun alluas ilmoitettih kilvan alovehellizen etuapan voittajat.
Minun armas kylä -nominatsien on voittanuh Jelena L’ogkajan fotokuva “Koležman kylä”. Kylän pereh -nominatsies on voittanuh Tatjana Petrenkon ruado “Ontajärven kylä. Omamualazet”. Muanruadajan ruaduo -nominatsien parahakse rodih tuaste Jelena L’ogkajan kuva “Koležman kylä. Kalastuskolhouzu “Zar’a Severa”.
– Minä kiitän kaikkii, ket yhtyttih kilbah, ket ozutettih omien fotokuvien kauti oman suvaičuksen kodirandah, Karjalan luondoh, ket kunnivoijah omumualazii da heijän jygiedy jogapäivästy ruaduo, sanoi projektan alovehelline johtai Irina Kuzičeva.
Karjalan voittajien ruavot ruvetah kilbailemah federuallizes etuapas Moskovas. Sidä paiči kai voittajat suajah kunnivokirjat da lahjat Jedinaja Rossija -puolovehespäi.
