Ministru Sergei Kisel’ov rodieu Karjalan urhomiehet -programman nevvojannu
Kanzallizen da alovehellizen poliitiekan ministru rodieu Karjalan urhomiehet -programman nevvojakse. Sergei Kisel’ov on valmis pidämäh luvendoloi projektah yhtynyzile.
Ven’an kanzallizen gvardien pruazniekkupäiviä vaste Kanzallizen da alovehellizen poliitiekan ministru Sergei Kisel’ov vastavui Ven’an kanzallizen gvardien piämiehien kel. Vastavuksel Ven’an kanzallizen gvardien Karjalan haldivon piälikkö politsien polkovniekku Nikolai Putilin korosti programman tärgevytty, sanoi, ku äijät Ven’an kanzallizes gvardies palvelus olijat kirjutettihes programmah da ruadomatkois kiändyjes tahtottas opastuo programman mugah.
— Äijän vuottu ruavoin Karjalan syväinazieloin ministerstvas da samal aigua olin opastajannu Syväinazieloin ministerstvan yliopistos. Sendäh hyväl mielel suostuin yhtymäh projektah nevvojannu da luvendoloin pidäjänny. Minä 35 vuottu olin palvelukses, monen kerdua olin ruadomatkois ”palavis kohtis”, uskon, ku minun kogemus rodieu pättävy. Tahtozin, ku erillizes voinuoperatsiespäi tulluzil olis mahto kiändyö endizeh tavallizeh elaigah, löydiä oma sija, ruadua tazavallan hyväkse. Sikse pidäy vagavah opastuo, minä olen valmis auttamah, sanoi Sergei Kisel’ov Karjalan tzavallan piämiehen lehtoistöpalvelule.
