Sügüz’kus zavodiše uz’ openduzvoz’ “IZOški”-studijas, mitte radab taidehmuzejas. Pened lapsed, kudambile om 2-4 vot voiba tulda vanhembidenke taidehmuzejaha. Heid varastaba uded sebranikad, melentartuižed kodvused i muzejan henged – Izoša da hirb’ Hiisi.
— Meiden tegend - opeta lapsid el’geta, armastada taideht laps’aigaspäi. Kaik tarbhaižed materialad meil om, sikš pidab vaiše tulda da mänetada aigad hüvin. Studijan radnikad oma professionaližed opendajad-pirdajad. Mö olem sidä mel’t, miše mugoižed urokad abutaba lapsile kehitoittas da sada äi uzid tedoid mirus da taidehes, sanub taidehmuzejan radnik Julia Aprodu.
Openduzčasud oma kaikuččen ezmärgan 11.00 časud homendest.