Merkivuozi: 100 vuottu tagaperin löyttih Vienanmeren kallivopiirustukset
Vuvvennu 1926 etnogruaffu Aleksandr Linevskii löydi erähäl Viekšijoven suarel kallivopiirustustu. Tänä vuon sit merkittäväs tapahtumas täydyy 100 vuottu. Merkivuvven kunnivokse pietäh ozuttelu, tiijolline konferensii da azetetah mustopačas kallivopiirustuksien löydäjäle.
— Tänäpäi Vienanmeren kallivopiirustuksis ymbäri on luajittu nygyaigaine palvelusistiemu, sendäh gu matkustajil da Karjalan eläjil pidäy helpoh piästä rahvaskunnan ainavoluadustu perindyö kaččomah. Uskon, gu uuzi Zalavruga-matkailukeskus koufeilun, hotelin, mašinoin azetuskohtan da dorogan kel rodieu tärgiennu kohtannu Vienanmeren piirin da Karjalan tazavallan ekonoumiekale, sanoi Karjalan piämies Artur Parfenčikov omassah lehtistöpalvelule.
Vienanmeren kallivopiirustukset ollah ainavoluaduine arheolougien mustomerki. Kuvat kuulutah JUNESKO:n kogo muailman perindön luvetteluh.
Nygöi Vienanmeren kallivopiirustukset ollah yhtet suurimis Pohjois-Jeuroupan kallivopiirustuksien joukos. Sih kuuluu läs 3400 kuvua. Niilöin joukos on tundiettuu vahnoin ristikanzoin heimokundien mečästyksen da kalastuksen piirustuksii, suuren suurien pedroin da hiihtäjien vahnimii kuvii.
Aihies voit lugie suomeksegi.
Yhty Oman Median kanualah Telegramas!
