”Meiden perehiden muštkirjad”: zavodihe Ühthižvenälaine norišton akcii

Ühtnemaha akcijaha kuctas školan openikoid, lapsiden ližaopendusen organizacijoiden openikoid, kolledžiden da universitetoiden üläopenikoid, mugažo opendajid. 12+ Kuva: ”Meiden perehiden muštkirjad”/ Jaroslavl’an pedagogižen universitetan VKontakte-grup

Zavodihe ”Meiden perehiden muštkirjad” -akcii. Ühtnikoile tarjoitas kerata tedoid heimolaižiš, kudambad ühtniba Surehe voinaha.

— Oppidud materialoiden pohjal jogahižele ühtnikale tarjoitas vaumištada ühten minutan pitte ezituz ičeze heimolaižiden polhe, kudambad ühtniba voinaha. Mugažo pidab vaumištada üks’ slaid heiden fotoidenke da nimidenke, kirjutaba tegijad projektan saital.

Konkursan ühtnikad ezitaba ičeze dokladad eriližel laval. Ezitused kuvatas videokamerale, kaikutte tahtnik voiškandeb kacta niid.

Ühtnemaha akcijaha kuctas openikoid, lapsiden ližaopendusen organizacijoiden openikoid, kolledžiden da universitetoiden üläopenikoid, mugažo opendajid.