Matrosan kyläs kohendetah škola
Karjalan piämies Artur Parfenčikov kerdoi Matrosan školan perustehellizih kohendusruadoloih nähte Priäžän piirin eläjien kel vastavujes #KarelijaOtkritaja -projektan hantuzis.
Priäžan kanzallizen piirin Matrosan kylän škola yhtyi perustehellizien kohendusruadoloin programmah, kudamua pietäh kanzallizen Nuorižo da lapset -projektan mugah.
Priäžän piirin eläjien kel vastavujes Parfenčikov vihjai, ku škola piäzi Ven’an opastundan ministerstvan pietys valličendas läbi da oli otettu niilöin opastuslaitoksien luvetteluh, kuduat kohendetah vuvvennu 2026.
— Vuvven loppussah školas uvvistetah elektriičestvat, lämmitys- da ilmantulo- da viendysistiemat, sego vien tulo- da viendysistiemat. Paiči sidä kohendetah levo, oččuseinät da luajitah remontat sydämes, ilmoittau Karjalan piämiehen lehtistöpalvelu.
Kilbu niilöih rakenduslaitoksih nähte, ket ottavuttas täh ruadoh, ilmoitetah lähi aigua. Ruavot algavutah oraskuus.
Vuvvennu 2026 perustehellizii kohendusruadoloi alletah Karjalan kaheksas školas. Jyškyjärven, Matrosan da Podužemjan školis ruavot loppietah vuvven 2026 loppuh suate. Mujehjärven da Sosnoučan školis, Sordavalan školas n:u 6, Petroskoin školas n:u 48 da Pedrin dvorčas kohendusruadoloi pietäh kaksi vuottu.
Yhty Oman Median kanualah Telegramas!
