Marjane kučču eri kanšoja pruasniekkah
Petroskoin eläjie ta vierahie kučuttih 4. pimiekuuta Marjane-pruasniekkah, mi piettih Kirovin aukivolla. Konserttiohjelman lisäkši oli muasteri-oppija, kilpailuja, älypelijä ta perintehellini karjalaini kruuka.
Konserttiohjelma alettih paikalliset solistit, laulu- ta tanšširyhmät. Lavalla esitettih lauluja Kotimuan rakkahuošta, šekä šanottih onnitteluja ta koroššettih, kuin tärkie on kunnivoittua omua kanšua ta toisie kanšoja.
— Tänäpiänä himottais muissuttua, jotta juštih meijän kanšan perintehet vaikutettih ihmisien nykyaikaseh elämäh. Tänäpiänä tahon toivottua henkenvoimia, kanšojen yhtenäisyttä, vapautta, varmuutta ta iččenäisyttä, oli šanottu vairkamiehien hyvittelyšanoissa.
Kirovin aukivolla oli järješšetty mukavua toimintua kaikilla: šai maissella perintehellistä juomista, ošallistuo älypelih, kaččuo, kuin kuuši puušeppyä luati heti pruasniekašša veššošelukkoja niise šai luatie muistolajoja omin käsin.
Konsertin enšimmäini oša loppu karjalaisella perintehellisella kruukalla. A šen jälkeh konsertti ta huvitušohjelma jatku.
Venäjän kanšojen yhtenäisyön päivä muissuttau meilä, kuin tärkie on joka kanša, šen kieli ta kulttuuri ta jotta pitäy elyä šovušša, kunnivoittuan toini toista.
