Marina Jevgrafova: “Leventimä omie käsitykšie kantakanšojen mahollisukšista”
Kešäkuun 26. päiväštä alkuan heinäkuun 21. päiväh šuaten YK:n ihmisoikeušvaltuutetun toimistošša pietäh kantakanšojen oikeukšie koškijua harjotteluo. Venäläiset ošallistujat kerrottih omašta kokemukšešta online-konferenššissa.
— Työntimä anomukšet kilpailuvalintahYK:n ihmisoikeušvaltuutetun Moskovan toimistoh. Kaikkieh tänä vuotena lähetettih 4000 anomušta eri maista. Nykyharjottelušša on 47 ošallistujua koko muailmašta. On ranškan, portugalin-, enklannin- ta venäjänkielini ryhmä, kerto Tverin alovehen Čaškovo-kylän karjalaisen talon johtaja Marina Jevgrafova.
Venäjänkieliseššä ryhmäššä on šeiččemen henkie. Ennein Ženevah lähtömistä heilä vietettih harjottelu Kanšojen yštävyön yliopistošša, missä hyö opaššuttih YK:n struktuurie ta mehanismija.
— Harjottelu Moskovašša anto meilä hyvie tietoja, jotta Ženevašša šyventyisimä aihieh. Tultuo Šveitsih tuntima iččie kanšainvälisen yhteisön ošakši ta leventimä omie käsitykšie kantakanšojen mahollisukšista. Tutkima eri tapahukšie, ošallistuma harjotukših, kävimä kanšainvälisissä järještölöissä. Meinuamma ošallistuo Asientuntijamehanismin issuntoh, esittyä omie šeloššukšie, kertuo proplemoista ta ratkasuista, korošti Marina Jevgrafova.
