Mandžoipoimičču: Petroskois suau ostua marjua
Petroskoin linnas tänäpäi algavuu perindölline sadumandžoin festivuali. Karjalan fermerat ymbäri tazavaldua tuvvah myödäväkse omii kazvoksii. Magiedu marjua suau ostua linnan randupihal. Jarmanku rubieu ruadamah 10.00 čuasus algajen 20.00 čuasussah randupihan da Leninan prospektan tiešuaral.
— Mennyt vuongi kävyin Oniegan randah ostamah mandžoidu. Ostin kahtu luaduu — Kondupohjan piiris da Petroskoin lähäl kazvatettuu. Täl kerduagi lähten, kačon min maksau mandžoi da mittustu luaduu se on, sanoi Oma Mediale Natalja Lozan.
Karjalan fermerat tuvvah myödäväkse mandžoidu, tostu sadumarjua da niilöis valmistettuloi syömizii — varen’n’ua, džemua, marjuvetty, jiämaiduo, šokoluadua, n’amuu. Jarmankas suau ostua paikallizien tavaroinluadijoin tuottehii: zefiirua firmupakuičukses.
Aihies voit lugie vepsäkse da suomekse.
Yhty Oman Median kanualah MAX:as!
