Rahvahaližen kirjišt kucub neičukaižid da prihaižid ”Varutoi internet”- vasusele, mitte planuitas 26.sügüzʾkud. Nece om ezmäine vastuz mitte mäneb “Minä navedin lugeda. Z- sugupolʾv”- projektan aigan. Nügüdʾlaižed lapsed äi aigad mänetada internetas, sikš om tärged opeta heid tehta necidä oikti da varuta.
Mugažo lapsed tedistaba, kut voib löuta tarbhaižid tedoid kirjištos.
―“Minä navedin lugeda. Z- sugupolʾv”- projekt om tehtud sen täht, miše ozutada lapsile, kut teravas sada tedoid internetaspäi, kebnas löuta tarbhašt materialad urokoiden täht, ozutesikš. Mugažo om tärged, miše internetan rindal lapsen elos oliži sija kirjan täht, sanub projektan sädai Natalja German.
Kirjišton radnikad varastaba neičukaižid da prihaižid. Ezmäine vastuz mäneb jo 26.sügüzʾkud 14.00 Petroskoin Rahvahaližen kirjištos.