Mägriänjoves poikki luajittu sildu kohendetah
Anuksen rakendusmiehet allettih Mägriänjoves poikki luajitun sillan kohendusruavot. Nygöi azetetah pengerii väliaigazeh sildah niškoi da valmistetah sijua rakenduskruanah nähte. Enne nämmii ruadoloi kasardettih tuhjot da kuattih puut, piettih arheolougizet kaivamisruavot.
— Kirmien liikkehen periä da tehnizii mahtoloi silmäl pidäjen Anuksenlinnu — Pitkyrandu — Leppysildu -autotiel oli piätetty azettua väliaigaine sildu. Se pienendäy vaigevuksii ajajih da astujih niškoi. Sen jälles, väliaigazen sillan luajittuu riičitäh avuariikunnos olii sildu, ilmoittau Karjalan piämiehen lehtistöpalvelu.
Mägriänjoves poikki azetettu sildu oli sanottu avuariikunnos olijakse vuvvennu 2020, nygöi sidä myöte ei sua ajua 20 tonnua enämbän painajil ajonevvoloil.
Sobimuksen mugah kohendusruavot loppietah vuvven 2027 heinykuun 1. päiväh suate. Kohendettu sildu lujendau Anuksen piirin transportupädevytty da -turvalližuttu.
Yhty Oman Median kanualah Telegramas!
