Luvemmo Kalevalan runoloi: on ilmoitettu online-kilvan tulokset
On ilmoitettu Luvemmo Kalevalan runoloi -kilvan tulokset. Tänä vuon kilbah yhtyi lugijua Petroskois, Onieganrannikon, Priäžän, Anuksen, Kalevalan, Segežan da Louhen piirilöispäi.
— Minä hyväl miele yhtyn Luvemmo Kalevalan runoloi -kilbah, täl kerdua luvin runon vepsäkse. Joga kerdua opin keksie midätahto uuttu videoh nähte — perindöllizet ruutat piäle panna libo luadie video sit kohtas, kudai on kiini vepsän kieles da kul’tuuras. Tulielgi aigua rubien yhtymäh kilbah da kuččumah kaikkii, ket maltetah meijän kielii, sanoi Oma Mediale kilvan eräs voittajis Jekaterin Golubnik.
Kilbuniekat ozutettih luvenduneroloi kolmes nominatsies: Kalevalan runot karjalan kielel, Kalevalan runot vepsän kielel da Kalevalan runot suomen kielel. Joga nominatsies oli kolme igäjoukkuo: 12–15-vuodehizet, 16–23-vuodehizet da 24 vuottu vahnembat kilbuniekat.
Kilvan voittajii vallittih Petroskoin valdivonyliopiston baltiekkumeren-suomelazen filolougien laitoksen karjalan, vepsän da suomen kielen opastajat. Kilbuniekoin nimilöin luvettelu suau nähtä baltiekkumeren-suomelazen filolougien laitoksen VK-sivul.
Aihies voit lugie vepsäkse, suomekse da ven'akse.
