“Lugem “Kalevalan” runoid”: om tehtud onlain-konkursan ühthevedod
Om tehtud “Lugem “Kalevalan” runoid” -online-konkursan ühthevedod. Täl vodel konkursaha ühtniba lugijad Petroskoišpäi, Änižröunan, Präžan, Oloncan, Kalevalan, Segežan da Louhin rajonoišpäi.
— Ühtnen konkursaha kahtenden kerdan i vägestin ezmäižen kerdan. Videorolikas ozutin erazvuiččid “Kalevalan” painusid, miččed minai oma – panin ned tagamale. Minä pletin kasad, panin päle paidan da pähä — sorokan karjalaižiden poimetišidenke. Nene sädod ostin Medvežjegorskas. Nacein, čomin lugin ičein otegen “Kalevalaspäi”, jagoihe ičeze tundmusil “Oma Medianke” üks’ konkursan vägestajišpäi Angelina Kondratük.
Tradicijan mödhe konkursan ühtnikad voibištelihe koumes nominacijas: “Kalevalan” runod karjalan kelel (livvin pagin, lüdin pagin, karjalan kelen pohjoižpagin), “Kalevalan” runod vepsän kelel da “Kalevalan” runod suomen kelel. Kaikuččes nominacijas oli koume igäkategorijad: 12—15-voččed, 16—23-voččed i 24—voččed da vanhembad.
Vägestajid valičiba Petroskoin universitetas Baltianmeren suomalaižen filologijan kafedran karjalan, vepsän da suomen kelen opendajad. Vägestajiden lugetišenke voib tundištadas Baltianmeren suomalaižen filologijan kafedran VKontakte-gruppas.
Uzištoid neciš temas voib lugeda mugažo karjalaks, suomeks da venäks.
