Louheh suau piästä Orlan-poujezdal jo kezäkuus
20.01.2022
Kezäkuun 1. päiväs algajen Piäjärvespäi Louheh rubieu käymäh Orlan-poujezdu.
Karjalan piämies Artur Parfenčikov ilmoitti vie kahtes Orlan-pujezdan maršruutas, kudamat roitah tänävuon Karjalan Pojhazes. Net ollah Lentiera-Šukkajärvi-Kostamus da Kostamus-Kočkoma-Belomosrk. Kuva: vk.com/aparfenchikov
Karjalan halličus da Okt’abr’skaja-raudutien laitoksen ruadajat kačotah luadie uuzi maršruuttu Piäjärvi-Kiestinki-Louhi Orlan-poujezdal. Louhen piirin halličuksen nevvostos sovittih, ku uuzi maršruuttu rubieu ruadamah jo 1. kezäkuudu.
– Projektu on suunnattu paikallizile eläjile, se ei ole turistoih niškoi. Reissuloih annetah subsiidiet Karjalan b’udžietaspäi, sanottih Karjalan tazavallan halličukses.
Piäjärvi-Kiestinki-Louhi-poujezdu rubieu käymäh vähimytteh viizi vuottu. Sih aigah kohendetah Kola-juaman da Suoperä-rajapunktan väline 157-kilometrin pitky tie. Tie kohendetah federuallizih varoih.
ПОХОЖИЕ НОВОСТИ
