“Loninan lugendad” ühtenzoitiba vepsän man navedijoid
“Loninan lugendad” -kodirandan konferencii tehtas kerdan kahtes vodes. Ezmäižen kerdan se mäni vodel 2014. Konferencijal keradase vepsän rahvahan kul’turan da kelen navedijoid. Ezitusiden temad oma erazvuiččed. Täl vodel pagištihe äjan vähäluguižiden rahvahiden oiktusiš, vepsläižiden lugumäras, vepsän rahvahan istorijas, no päazjan ezitused oli omištadud vepsläižen kul’turan da kelen kaičendale.
— Tämbei oli äi melentartuižid ezitusid. Paiči vanhembid konferencijal eziniba lapsed-ki. Minun openik Darja Žirova 11. klassaspäi starinoiči meiden školan istorijas. Minun openikad oma minun ülenduz. Olen ihastusiš, konz minei ozastub sündutoitta lapsiš armastust vepsän rahvahan kul’turaha, sanui Šoutjärven školan vepsän kelen opendai Ales’a Anušenkova.
Mugažo konferencijan aigan oli ezitadud uz’ “Sanu, luge, kirjuta!” -openduzkirj da läz Šoutärven muzejad azotadud art-objekt.
