Lobanovan sildu: suau ajua
Petroskois 19. ligakuudu avattih ajattavakse da astuttavakse uuzi Lobanovan sildu. Sildu rodih valmis enämbän puoldu vuottu enne uskaldettuu.
— Sildu on ravei da čoma. Sen avuamistu vuotettih kui mašinoil ajajat mugai jallai astujat. Varua sillan rakendamizeh annettih Karjalan tazavallan b’udžietaspäi. Sih piettih enämbän kahtu miljardua rubl’ua. Rakendusruavot piettih valdivollizen Liikendehsistieman kehittämine -programman avul, sanoi sillan avajazis Karjalan piämies Artur Parfenčikov.
Uuzi sildu luajittih vahnan sijah Maršal Meretskovan uuličale Lohijoves poikki.
Petroskoin linnan piälikön Inna Kolihmatovan mugah uvven sillan avuamine on tärgei Petroskoin liikendehinfrastruktuuran kehittämizen nägökulmas.
— Sillan täydehys on ližätty merkittäväh. Mašinat nygöi ruvetah ajamah nelläh riädyh. Jallaiastujih niškoi tilat roittih leviembät da mugažembat da pyörilajajil on oma ajotie, kirjutti Kolihmatova VKontakte-sivul.
Sillan uvvessahrakendamine allettih tuhukuus 2024. Rakendajat levitettih vahnan sillan kogonah da nostettih sen sijah uvven rakenduksen, kuduan piduhus on 150, 4 metrii. Levevys on kazvanuh. Nygöi se on 28 metrii.
Aihies suau lugie suomeksegi.
