LizaAlert-joukon eččijät löyttih 13 kavonnuttu sulakuun aigah
Sulakuus LizaAlert-ečindyjoukko sai Karjalas 16 hädäilmoitustu kavonnuzis rahvahis. Sih nähte ilmoitettih LizaAlert-joukon VK-sivul.
Eččijät löyttih 13 hengis olijua kavonnuttu. Yksi ečittävis on viestittäh kavonnuzien joukos. Paiči sidä on tovestettu kahten hengen persounu.
Kui sellitettih eččijät, persounan tovestus tarkoittau vastukavazen ečindän stuatussua, konzu pihal on löytty ristikanzu, kudai ei musta omua nimie da adressii. Eččijoin mugah, puaksuvimah moizeh tilah jovvutah vahnat rahvas, kudamil on huono musto. Eččijoin joukko auttau tarkastua moizien kavonnuzien persounu da löydiä heijän omahizet.
Eččijät luajittih linku eččotiedoloih, kuduat koskietah niilöi, kedä vie ei löytty. Kaikkii, kel on midätahto tieduo kavonnuzien olendas, eččijät kehoitetah soittua telefonah 8-800-700-54-52.
Kevätkuus eččijät suadih 13 eččozajavkua, kai net on täytetty da niilöin stuatussu on ”Löytty. On elos."
Aihies voit lugie suomeksegi.
