Literaturine “Pohjoižen än’”-konkurs zavodiše
10.06.2021
Igähižiden vähäluguižiden rahvahiden Associacii kucub kirjutajid da runoilijoid ühtnemaha konkursaha. Vepsän rahvahan ezitajad-ki voiba oigeta ičeze literaturtöd i sada lahjad.
Mihail Krivošapkin Jakutijaspäi “Pohjoižen än’”-konkursal Kuva: Associacijan Vkontakte-lehtpolelpäi.
Kezakun ezmäižen päivän zavodihe pakičuzaig “Pohjoižen än’”-konkursale. Se pidetas sen täht, miše löuta ristituid, ked kirjutaba kodikelel ičeze rahvahan elos da kul’turas.
Konkursas om koume nominacijad: Proza kodikelel, runotuz kodikelel, lapsiden literaturtöd kodikelel.
— Kirjutajad voiba mugažo ühteta konkursaha kul’tursebran nimelpäi. Vägestajad saba pauklahjad, a heiden literaturtöd om paindud kogomuses da ”Igähižiden rahvahiden mail’m. Eläb Arktik”-al’manahas, sanuba konkursan tegijad.
Ičeze töd pidab oigeta Microsoft Word-formatas. Pakičuzaig lopiše 31.redukud 2021.
Ližatedod oma täs.
ПОХОЖИЕ НОВОСТИ
