Lidnan ümbrišton tegemine: Vodel 2025 Karjalas paremboitas 43 puištod
Vodel 2025 Karjalas paremboitas 43 ühthišt sijad. Nene sijad ristitud valičiba männuden voden “Kožujan lidnan ümbrišt” -änestusel. Sulakun 21. päiväspäi kezakun 12. päivähäsai linneb ühthižvenälaine änestuz sijoiš, miččid paremboitas tulijal vodel. Sen polhe starinoičeb ičeze VKontakte-lehtpolel Karjalan Valdkundan zakonoiden tegendan kundan pämez’ Elissan Šandalovič.
— “Lidnan ümbrišt” -programm om ani satusekaz: kaikuččel vodel se paremboitab lidnoiden irdnägod. Ümbrišton kehitoitandan projektad oma erazvuiččed, no niiden pätegend om üks’ – tehta ristituiden elo parembaks, sanui Elissan Šandalovič ičeze VKontakte-lehtpolel.
Kaiken programman aigan Karjalas oli paremboitud enamba 500 sijad. Ned oma puištoid, avoirdoid, skveroid da toižid ühthižid sijoid.
