Leningradin alovehella ašetettih viittehie inkeroisen kielellä
Leningradin alovehen Viistinan kylän ašetettih viittehie inkeroisen kielellä. Aloteh on šuunnattu Venäjän vähälukusen kantakanšan katojan kielen šäilyttämiseh ta eistämiseh. Šiitä ilmottau Natsional’nii aktsent-nettišivu viitaten inkeroisien Šoikula-šeuran poštaukšeh Vkontaktešša.
— Projekti on toteutettu inkeroisien Šoikula-šeuran alottehešta alovehen paikallista ičehallitušta, kanšain- ta uškontojenvälisie šuhtehie hoitajan komitietan kannatukšella. Tieto taulut istorijallisine nimineh on ašetettu kylih šekä Šuuren Isänmuallisen jälkeh kunnoštamattomien hävinnyijen kylien paikkoih, kertou Natsional’nii aktsent.
Tauluih on kirjutettu paikkojen nimijä inkeroisen ta venäjän kielillä šekä inkeroisien perintehellisen merkkaukšeh peruštujie kaunissušelementtijä.
Inkeroisen kieli kuuluu šuomelais-ugrilaiseh ryhmäh ta on häviennän vuaran alla. Vuuvven 2010 väjenlašennan mukah šitä pakasi 123 henkie.
Yhty Oman Median Telegram-kanalah!
