Lapšien Vesläžed-folkloriyhtyveh vietti 25-vuotisjuhlan

Kanšallisen ta alovehellisen politiikan ministerijön ošašton johtaja Jelena Migunova myönti yhtyvehen ohjuajilla kunnivokirjoja ta kiitoškirjasie. Kuva: Karjalan tašavallan piämiehen lehistöpalvelu

Lapšien Vesläžed-folkloriyhtyveh täytti 25 vuotta. Viime netälinä merkkipäivän kunnivokši kollektiivi esiinty Karjalan kanšallismusejošša, ilmottau Karjalan tašavallan kanšallisen ta alovehellisen politiikan ministerijö. 

— Nykyjäh yhtyveheššä on 38 nuorta nerokašta artistua, kumpaset avomielisešti tykätäh taituo ta halutah šäilyttyä karjalaista kulttuurie alkuperäseššä muuvvošša. Folkorikollektiivin ošallistujat tutkitah Aunukšen piirin Kuujärven kylän lyydiläisien perintehie, ministerijö kertou tiijotukšešša 

Juhlakonsertissa Vesläžed esitteli lyydiläisellä perinnöllä omissetun ohjelman ta tuttavuššutettih karjalaisen muanruatajien elämäh, pereheh, pruasniekkoih ta perintehih.

Viijenkymmenenviijen vuuvven aikana Vesläžed-yhtyveh valmistau lahjakkahie artistoja ta šäilyttäy kotimuan elävyä perintyö. Yhtyveh toimiu Petroskoin Milii Balakirevilla nimitetyn lapšien taitokoulun tiloissa.

Joka vuosi kollektiivi ošallistuu eri festuvualiloih ta kilpailuih yleisvenäläisellä ta kanšainvälisellä tašolla.

Yhty Oman Median Telegram-kanalah!