Laihinkieldo: Karjal on enzimäzien luvus
Ven’al on kirjutettu 25,2 miljounua laihinoin omaehtostu kieldozajavleeniedu. Karjalangi eläjät kuulutah ielolijoin joukkoh.
Kaikis enin mostu omaehtostu kielduo on suadu 35—43-vuodehizis rahvahis. Samal aigua on suadu 2,6 miljounua zajavleeniedu laihinoinkiellon perävymizeh.
— Ven’an alovehis enzimäzii olii Murmanskan aloveh endizelleh ozuttau kaikis suurimua niilöin ristikanzoin luguu, ket kirjutettih laihinoin omaehtozii kieldozajavleenieloi: joga nelläs eläi jo käyttäy tädä puolistuskeinuo, ilmoittau TASS-uudizientoimisto.
Äijy laihinkieldoloi on kirjutettu Magadanan alovehel — 23%, Komin tazavallas — 22%, Kamčatkal, Karjalas da Čuvašies — 19%. Moskovas kiellot on kirjutettu 14% eläjis, Moskovan alovehen — 15%, Sankt-Peterburgas — 16%, Piiterin alovehen — 13%.
Aihies voit lugie suomeksegi.
Yhty Oman Median kanualah MAX:as!
