Lahjoiče ičeleiž praznikališt “Kipinäd”!
Verez “Kipinän” nomer vepsän kelel om jo toimištos. Materialoiden enambišt om omištadud Udele vodele.
“Kipinän” tal’vkun nomer om jo lähtnu eloho. Siš voib löuta sarnoid, starinoid, harjoitusid, kodvusid da mastar’-klassoid. Lugijad tedištaba, praznuitas-ik Ut vot Afrikas, kuspäi meidennoks tuli tradicii čomitada kuzen Raštvoikš da Udeks vodeks, midä uz’ voz’ tob meile päivnouzman kalendarin mödhe.
— Neciš nomeras meil om Anna Danilovan da Sergei Svetovan “Čomad tedomatkad Karjaladme” -komiksoiden jäl’gmäine vipusk, no Nadežda Agapitova oigenzi meile tekstad uziden komiksoiden täht. Ned starinoičeba vepsän man melentartuižiš sijoiš. Kuvadamha nenid komiksoid tartui Margarita Jufa, sanui “Kipinän” vepsläižen nomeran keradai Galina Baburova.
Kut kaiken-ki, vereses nomeras om kalendar’ udeks vodeks. Toimitajad oma mugošt mel’t, miše “Kipinä” linneb hüvän lahjan tulijoikš praznikoikš.
Tarkištele "Oma Median" Telegram-kanalad!
