Kyykkä-peluaja Žanna Tikkanen: Pitäy olla tarkka šilmä ta voimua kiäššä

Kyykkä-peluaja Žanna Tikkanen: Pitäy olla tarkka šilmä ta voimua kiäššä

08.08.2022
Gorodki-pelin Muailman meštaruš piätty Leningradin alovehen Priozersk-kaupunkissa.
Žanna Tikkanen Venäjän piäjoukon jäšenenä piäsi voittajakši joukkokilpailušša ta šai pronssimetalin henkilöturnaukšešša. Kuva: Uljana Tikkanen
Žanna Tikkanen Venäjän piäjoukon jäšenenä piäsi voittajakši joukkokilpailušša ta šai pronssimetalin henkilöturnaukšešša. Kuva: Uljana Tikkanen

Elokuun 1.—8. päivinä Priozerskissa piettih 8. Muailman meštaruš. Karjalan kyykkä-peluaja Žanna Tikkanen esiinty niissä Venäjän piäjoukošša ta näytti hyvie tulokšie. Niise še, jotta Žanna oli kučuttu muailman kilpailuh on monivuotisen ruavon tuloš.

— Jotta piäššä täman vuuvven meštaruoh mie kahen vuuvven aikana esiinnyin Venäjän ta Luoteis-ošan kilpailuissa ta olin voittajien luvušša, šano Žanna Tikkanen.

Tänä vuotena Žanna näytti šamoja tulokšie, kuin viimesissä MM-kilpailuissa Šakšašša, ka kilpailla oli tietyšti vaikiempi, vet’ joka peluajan nero kašvau. Enšimmäisenä voimien kuot’t’elukšena oli piäššä Venäjän piäjoukkoh. Šiitä piäjoukon jäšenenä — voittua joukkokilpailuissa ta henkilökilpailušša jiähä voittajien lukuh. Joukkokilpailušša Venäjän piäjoukko varmah voitti toisen venäläisen ta valkovenäläisen joukon.

— Yksityiskilpailušša olima peräkkäin, enšimmäisellä paikalla olija šai 16 pistehtä, toisella — 15 ta mie — 14. Tuntu, jotta še oli tovellini taistelu. Finalissa, kyllä mie hermoššuin, kun oli niin äijän kaččojie ta še tunneh häiričči milma. Pualikka lenti kunne iče tahto, eikä kunne mie löin. Pitäy opaštuo vielä peluamah kiinittämättä huomijuo minnekänä paičči kenttyä ta omua pelie, lisäsi Žanna.

MM-kilpailuh tulluot kuuvven muan urheilijat šekä yhissetyn gorodki-joukkovehen etuštajat koroššettih, kuin hyvät olot oli tarjottu kilpailijilla. Klassista, europpalaista ta šuomelaista gorodki-pelie varoin oli valmissettu eri kentät.

— Mie šanoin tätä netälie, kumpasen vietin Priozerskissa kyykkä-parentolakši. Priozerskissa on korkietašoni gorodki-urheilukeškuš. Kuin hyvät tulokšet oltais, još harjotella šamanmoisella joka päivä, muhiu Žanna.

Enši gorodki-pelin MM-kilpailut pietäh kolme vuotta kuluttuo. Šinne Žanna kučutah, još hiän rupieu aktiivisešti ošallistumah eri tašan kilpauluih ta näyttämäh tätä parempie tulokšie.


Lisyä lukekkua Oma Mua -lehen tuorehešta numerošta ta Karjalan Sanomista.


ПОХОЖИЕ НОВОСТИ
Karjalan Sanomat
Kanteletar-festivaali: turnaus yhdistää kyykkäharrastajia
Urheilutapahtumaan voivat osallistua neljän hengen joukkueet. Turnaus pidetään helmikuun 10. päivänä.
Karjalan Sanomat
Karjalan urheiluinfra kehittyy – Petroskoissa avautui uusi urheiluhalli
Yliopiston urheilukeskuksessa voi harrastaa jalka- ja koripalloa, yleisurheilua ja muita urheilulajeja. Keskus palvelee sekä ammattiurheilijoita että liikunnan ystäviä.
Karjalan Sanomat
Urheiluinfra: Kontupohjalaiset saavat oman kyykkäkentän
Uudelle urheilukentälle on jo valittu tontti. Kyykkätontin kunnostustyöt alkavat tällä keväällä.
Karjalan Sanomat
Kaikki jäälle – Sortavalassa pidetään pikaluistelumestaruus ja urheilukilpailut
Urheilutapahtumat järjestetään 12.–14. tammikuuta. Urheilijoille on tarjolla 100, 500 ja 1000 metrin matkat.
Karjalan Sanomat
SKIMIR-ampumahiihtokilpailut odottavat osallistujia – Ilmoittautuminen on jo auki!
Yleisvenäläisten kilpailujen finaali pidetään Kostamuksessa 8.–14. huhtikuuta.
Karjalan Sanomat
Terveyden kilometri: juoksukilpaan voivat osallistua kokeneet juoksijat ja harrastajat
Petroskoissa järjestetään tänään Terveyden kilometri -juoksutapahtuma. Sarjoja on lapsille ja aikuisille.
Karjalan Sanomat
Uudenvuoden lomaviikko: yli 9000 tasavallan asukasta osallistuu urheilutilasuuksiin
Erilaisia urheilukilpailuja ja aktiviteetteja pidetään eri puolilla Karjalaa.
Karjalan Sanomat
Vottovaara Mountain Race -kilpailu: hakemusten vastaanotto on alkanut
Suuri urheilutapahtuma järjestetään Karjalan mystisimmässä paikassa. Vottovaara Mountain Race -kilpailu pidetään ensi vuoden syyskuussa.
Karjalan Sanomat
Kostamuksen ampumahiihtoinfrastruktuurin kehittämiseen myönnetään 90 miljoonaa ruplaa
Urheilukeskuksessa kunnostetaan ampumarata ja tehdään uusi asfalttipäällyste.
Войти
Регистрация
Пароль
Повторите пароль