Kuuzi teatrua piästih kilvan jatkuh
Loppih karjalazen kirjuttajan Vladimir Brendojevan 95-vuozipäiväle omistetun alovehienvälizen teatroin Karjal piäroulis -kilvan enzimäine vuoro. Karjalan da Tverin alovehen yhtestostu teatrujoukos toizeh vuoroh piäzi kuuzi teatrua. Net vastavutah Vladimir Brendojevan roindumual Anuksenlinnas da ozutetah omua neruo.
Toizeh vuoroh piässyzien joukos ollah vieljärveläine ”Randaine”, Anuksen ”Eloksen ratas”, Tverin alovehen Maksatihan kylän ”Armahuš”, veškel’čöin ”Omamualazet”, kalevalalaine "MKŠ — muamon kielen šäilyttäjät” da ”Alavoizen taigin”.
— Ylen äijäl miellyttäy, ku festivualis rubieu kuulumah karjalan kielen mondu paginluaduu — liygi, vienankarjala da tverin paginmurreh, sanoi Oma Mediale kilvan valmistai, Karjalan Rahvahan Liiton piälikkö Anna Jakovleva.
Teatroin kilvan loppuvuoro pietäh Anuksenlinnas 17.—18. sulakuudu. Festivualii pietäh Karjalan perindöt teatrulaval -projektan hantuzis Karjalan tazavallan piämiehen grantufondan kannatuksel.
Yhty Oman Median kanualah MAX:as!
