ÜRK pästi eloho uden online-kursan, kus voib lühüdoiš aigoiš tedištada igähižiden rahvahiden polhe, miččed oiktuded niil oma, i kut voib kävutada da kaita niid. Udes online openduzprogrammas pidab oppida teorijad da tehta tegendoid. Programm andab todesižed ozutesed igähižiden rahvahiden elospäi. Üks’ ozutez om karjaližiden elospäi – Karjalan kelen kodi.
— Nece uz’ openduzkurs andab voimusen rahvahiden ezitajile i oiktuziden kaičijile el’geta, kut radab ÜRK, i kut se voib abutada igähižile rahvahile. Erased rahvahiden oiktuded oma vaiše bumagal, erašti kul’turan da kelen oiktuded om muretud. Konz oiktuziden kaičijad oma tehnuded kaiken ičeze mas, heile pidab teta, midä tehta edemba, ken voib heile abutada. Neciš heile abutaškandeb nece online-kurs, sanub Aleksei Cikarev, rahvazkeskeine ekspert ristitun oktuziden alovehes.
Tahtnikoile pidab oigeta pakičusen. Opendusen jäl’ges ühtnikad saba todištused igähižiden rahvahiden oiktuziden mödhe. Online-kurs om maksutoi. Nügüd’ se om anglijan kelel, no pigai linneb toižil-ki kelel. Ližatedod.