Kuor’oin kalastusaigu: sualis suurenou
Karjalas loppih kuor’oin kalastusaigu.Karjalan kalastajat pyvvetäh Jevroupan luavun kuor’oidu, kuduadu suvaijah äijät. Lyhyt kuvunaigu kestäy vaigu läs puoldutostu libo kahtu nedälii, ga tämän vuvven tulokset kummastetah.
Kuor’oidu kalastetah ainos Onieganjärves. Kalastajat käytetäh veziaidoi, merežilöi, nuottii.
— Kalastusaijan lopputuloksennu karjalan kalastuslaitokset pyvvettih 462,5 tonnua kuor’oidu, mi on 17 % enämbi migu mennyt vuon. Veresty kalua hedi tuodih laukkoih, ilmoittau mua- da kalatalovuon ministerstvan lehtistöpalvelu.
Sen ližäkse tänä vuon muutui paras kalastuspaikku: mulloi äijän kalua suadih Petroskoin lahtes, tänä vuon Puudogan rannas pyvvettih vie enämbän. Loppevunnuh kalastuskauzi tovestau tiedotarkastuksen tärgevytty: kuvunaijan tiijot autetah tulien vuon.
Yhty Oman Median kanualah MAX:as!
