Kunnostamisprojektat: Karjalan eläjien iäni on tärgei
Karjalan tazavallan eläjii kehoitetah yhtymäh iänestämizeh, kuduan avul vallitah kunnostettavat yhteiskunnallizet alovehet.
Tänä vuon iänestämizeh kuuluu enämbi 90 yhteiskunnallistu alovehtu. Voittajil pidäy suaha enin iändy, sen jälles niilöin objektoin kunnostamizeh vuvvennu 2027 annetah varua kanzallizen Infrastruktuuru elaigah nähte -projektan mugah.
— Alovehien kunnostamizes iänesti enämbi 8 tuhattu Karjalan eläjiä. Yhtyö iänestämizeh voibi jogahine 14 vuottu täyttänyh tazavallan eläi. Iänestämine kestäy kezäkuun 12. päiväh suate, ilmoittau Karjalan piämiehen lehtistöpalvelu.
Iänestäjes zagorodsreda.gosuslugi.ru -saital pidäy vallita oma aloveh, pirii, linnu da kehoitetus luvettelus vallita kunnostettavu objektu.
Kogo Ven’an iänestämizen voittajikse jälgi vuozin Karjalas piäzi 160 yhteiskunnallistu alovehtu. Niilöis 141 jo on kunnostettu, vie 19 alovehtu kunnostetah tänä vuon.
Yhty Oman Median kanualah MAX:as!
