Kul’tuuran piälinnu-2028: iänestys algavui
Gosuslugi-verkosivul voibi yhtyö kilbah, kudaman tavoittehennu on miäritä Ven’an kul’tuuran keskus kahten vuvven peräs. Karjalan da toizien alovehien eläjät voijah vaikuttua kilvan tuloksih kois olles. Iänestys jatkuu kylmykuun 30. päiväh suate da sen tulokset ollah tärgiet kilvan valličuskunnale.
Vuvven kul’tuuran piälinnu -kilbu avvuttau alovehile da sie olijoile eländypaikoile nostattua turistoin mieldymysty. Yhtyö kilbah voijah Ven’an haldivollizet keskukset da sen ližäkse linnat, kudamis eläy enämbi 200 tuhattu ristikanzua. Moskovu da Piiteri ei yhtytty kilbah.
Kilbu pandih rattahile da sih jo on suadu 14 linnan kilbupakičustu.
— Linnu, kudai suau enämbän toizii iändy, voittau Rahvahan iänestys -nominatsies, kirjutetah kilvan ohjuajat verkosivul.
Kuduantahto linnan puoles iänestäjes pidäy olla oma tovestettu sivu Gosuslugi-verkosivul. Yksi ristikanzu voibi iänestiä viijen linnan puoles. Piäkilvan voittai suau virrallizen stuatusan da tiijoituskannatuksen. Kul’tuuran piälinnannu vuvvennu 2024 oli Nižnii Novgorod, vuvvennu 2025 — Groznii. Tänä vuon arvonimi on Omsk-linnal, ga tulien vuon se annetah Čel’abinskale.
Yhty Oman Median kanualah MAX:as!
