“Kuki-rikku” -videožurnalan tegijad udes tartuiba radho

Sjomkoihe ühtniba Karjalan radion rahvahaližen toimišton radnik Anna Usova da Petroskoin № 17 školan openik Timofei Starodubcev. 0+ Kuva: Galina Baburova

“Kuki-rikku” -videožurnalan tegijad udes tartuiba radho. Nügüd’ “Kuki-rikku” -projektan tegijad vaumištaba vudeožurnalan 9. da 10. vipuskad.

― Ezmäižen videorolikan kuvazim Kondopogan rajonas. Varaižim, miše lumi jo suli. Süžetan mödhe meile tariž oli lunt. Ved’ lidnas sidä om jo ani vähä. Ozaks, mecas löuzim lunt, starinoičeb sjomkoiden polhe projektan ohjandai Julia Potahina.

“Kuki-rikku” -jumoristižen videožurnalan uziden vipuskoiden kuvadamine jatktas kevädel, kezal da sügüzel. A sjomkoiden keskes projektan tegijoil om erasid vastusid kacujidenke. Üks’ vastusišpäi mäneb homen: heid kuctihe Petroskoin Suomalaiž-ugrilaižehe školha.

“Kuki-rikku” -jumoristine videožurnal lapsiden täht karjalan da vepsän kelel kuvatas Karjalas vodelpäi 2021. Joga vodel eloho lahtli kaks’ vipuskad, kaikuččes vipuskas om koume videorolikad.

Uzišt neciš temas voib lugeda mugažo venäks.