“Kuki-rikku” näytti uušie lähetykšie

Projektin ošallistujat omien perehien ta yštävien kera tultih uušien lähetykšien esittelyh. 0+ Kuva: Uljana Tikkanen

Petroskoissa oli esitetty Kuki-rikku -lähetykšien kolmaš šarja, kumpasešša šuau nähä vesselie juttuja, mimmosih šeikkailuih lapšet piäštih, kun šattumalta rikottih aštie, kun karhattih puuh tahi luajittih temppuja juokšupyörällä.

— Myö pitälti vuottima kuvaukšie, šentäh kun šitä ennein valmissetut šarjat kuvasima talviaikana, nämä ohjelmat oli kuvattu kešällä – lapšien lempiaikana. Vuuvvenaika innošti uuših juoniloih, šano projektin ohjuaja Julija Potahina.

Šarjašša on kuuši lähetyštä: vepšäkši, vienakši ta liivviksi. Niitä voipi kaččuo Kuki-rikku -projektin VK-ryhmäššä.

Projekti toimiu Karjalan kanšallisen ta alovehellisen politiikan ministerijön kannatukšella.

Aihiešta voit lukie niise vepšäkši.