“Kuki-rikku” -lapsiden videožurnal ihastoitab kacujid uzil videorolikoil
29. kül’mkud “Periodikas” ezitadas “Kuki-rikku” -lapsiden jumoristižen videožurnalan kaks’ ut vipuskad. Kahtes vipuskas linneb kuz’ videorolikad karjalan da vepsän kelil.
Kut sanuba projektan tegijad, täl vodel videorolikoiden süžetad oma ani erazvuiččed da lapsed-akt’orad oma eri-igäižed. Norembile om nel’l’ vot, vanhembale — 15 vot. Scenarijad-ki oma erazvuiččed: kezaližed, sügüz’ližed da tal’veližed.
— Toivon, miše meiden uded videorolikad tuleba mel’he lapsile da kazvatajile. Mö panim äi vägid sen täht, miše ned oližiba hüväd. Meletan, miše mö tegem suren azjan — kingitam lapsiden homaičust karjalan da vepsän kelihe da kul’turaha, sanub üks’ projektan tegijoišpäi Maria Šašina.
Prezentacii mäneb homen “Periodikas”, kuna keradasoiš penikaižed artistad da heiden vanhembad.
Projektad rahatugedab Karjalan rahvahaližen da regionaližen politikan ministerstv.
Uzišt neciš temas voib lugeda mugažo venäks.
