Kotkatjärven kyläh nostetah feršalipunktu
Kotkatjärven kyläh nostettavua feršalipunktua luajitah kanzallizen Pitkyaigaine da aktiivine eliagu -projektan mugah. Nygöi kylän feršalipunktu sijoittuu tulipalostansien levon al. Kanzallizen projektan hyvyös feršalipunktu suau uvvet tilat.
Objektua nostetah nygyaigazien tehnolougieloin mugah paikallizil laitoksil luajittulois materjualois. Rakendajat jo nostettih seinät, lähi aigua alletah luadie stropiloi.
— Se rodieu nygyaigaine, kaunis da mugažu rakendus. Olen varmu, ku feršalipunktan piälikkö Vladlena Jevsejeva da kai kylän eläjät ylen äijäl vuotetah feršalipunktan avuandua. Moizii objektoi luajitah tiettylöin projektoin mugah da pohjaispuolen ilmastuo silmäl pidäjen. Tilat, laittehistot vastatah nygyaigazii vuadimuksii da normii. Ruavot hyväksymmö vaigu vagavan tarkastuksen jälles. Sendäh ku net pidäy olla rahvahan käytös monii vuozikymmenii, sanoi Karjalan tervehyönministru Mihail Ohlopkov tervehyönministerstvan lehtistöpalvelule.
Mustoitammo, ku tänä vuon tervehyönalan alaozaston uvvistamizen programman mugah nostetah 17 feršalipunktua da ambulatouriedu.
Aihies voit lugie suomeksegi.
