“Kodiman” semendkun nomer jo varastab ičeze lugijoid
Tämbei läksi eloho “Kodima”-lehtesen verez nomer. Siš om starinoitud kaikid znamasižembiš azjtegoiš, miččed mäniba ei amu vepsläižes mirus.
Udes nomeras voib lugeda siš, kut mäni vepsän kelen nedal’ Petroskoin Suomalaiž-ugrilaižes školas, kut vepsläižed ühtniba “Pohjoižen kal’huded” -ozuteluz-jarmarkaha, kut praznuitihe Pohjoižen, Sibirin da Edahaižen Päivnouzman igähižiden vähäluguižiden rahvahiden associacijan 35-vottušt jubilejad da muga edemba. No päazjan semendkun nomer oli omistadud Suren Vägestusen 80-voččele jubilejale.
— Naprim, miše Suren Vägestusen jubileivoden kaikuččes nomeras oliži material Suren voinan polhe. Täl-ki kerdal meil om koume materialad, miččed om omištadud sille, sanub “Kodima”-lehtesen pätoimitai Irina Sotnikova.
Vereses nomeras melentartuižid temoid lugemižen täht voiba löuta eri-igäižed ristitud: nored da aigvoččed. Johtutam, miše lehtez jagetas ilma maksuta. Kaikutte tahtnik voib sada sen “Kodiman” toimištos.
