“Kodima” jagase vepsän man uzištoil
Eloho om lähtnu “Kodima” -lehtesen heinkun nomer. Se starinoičeb kaikid melentartuižembiš azjtegoiš, miččed mäniba vepsläižil läheližel aigal.
Uded ozutelused, uded kirjad, uded vägestused projektoiden konkursoiš – neciš da äjas toižes voib tedištada vereses “Kodima”-lehtesen nomeras. Päazjtegoikš, miččed mäniba vepsläižiš küliš, tegihe kezapraznikad.
— Keza kaiken om täuttud rahvahiden küläpraznikoil. Vepsän kul’turan praznikad mäniba kaikiš vepsän man agjoiš: Karjalas, Piterin da Vologdan oblastiš. “Kodima”-lehtesen radnikad napriba oleskelda nenil praznikoil, a ku meil ei ole mugošt voimust, ka surel tahtol meiden lugijad jagasoiš lehtesen lehtpolil ičeze tundmusil niiš, sanub “Kodima” -lehtesen pätoimitai Irina Sotnikova.
Mugažo heinkun nomeras oma materialad kaikenlaižiš rubrikoiš “Literatur” da “Kodirandaine”.
Johtutam, miše vepsänkelišt lehtest voib otta ilma maksuta “Periodika”-painištos.
