Koštamukšen vanhainkotie valmissetah avajaisih
Koštamukšen vanhojen ta invalidien kojin rakentamini loppuu ennein miäräaikua. Kaupunki šai nykyaikasen ta kojikkahan laitokšen 200 paikalla Pereh-kanšallisprojektin rajoissa. Še on šuurimpie sosialiobjektija šekä Karjalašša jotta Luoteis-Venäjällä. Šiitä ilmottau Karjalan tašavallan sosialiturvaministerijö.
— Ihmiskunnan otantua šuunnitellah alottua pakkaiskuušta 2027. Tietoja työpaikoista voipi šuaha Rabota v Rossii -portalista, ministerijö kertou tiijotukšeššah.
Vanhainkotih otetah vaštah niitä kanšalaisie, ket tarvitah šiännollistä ainaista hoituo. Piätoš šiitä luatiu Karjalan tašavallan sosialiruatokeškuš, kumpasen ošaštot toimitah tašavallan kaikissa piirilöissä.
Sosialiobjekti on rakennettu Pereh-kanšallisprojektin federalisen Vanhempi šukupolvi -projektin rajoissa. Objektin toteuttamisen yhtehini hinta on 1,73 miljardie rupl’ua.
Yhty Oman Median MAX-kanalah!
