Koštamukšen tietoturistikeškuš kuččuu tulijie oppahie
Koštamukšen tietoturistikeškuš yheššä Petroskoin valtijonyliopiston turismin laitokšen kera šuunnittelou panna käyntih lisäammattiopaššušohjelma, kumpasen rajoissa valmissetah oppahie Koštamušta ta ympäristöjä myöten. Ohjelma starttuau tuiskukuušša 2026.
— Myö ečimmä ihmisie, ket ollah valmehet ammatillisešti esittelömäh meijän piirikunnan ainutluatuista perintyö — šuojeluonnošta ta pohjosen arhitektuurista karjalaisih kanšallisih perintehih, kirjutetah tietoturistikeškukšen poštaukšeššah Vkontaktešša.
Opaššušohjelman rajoissa opaštujat tutuššutah Koštamukšen kaupunkipiirin luonnollisih ta kulttuurisih mahollisukših, piirikunnan nykyaikaseh kehitykšeh ta tiijon lähteih — tietoturistikeškukšeh, kaupunkin musejoh, arhiivah ta muih laitokših.
Ne, ket halutah šuaha tietoja Koštamukšen piirikunnašta tahi noštua pätövyttä voijah ilmottua omašta mielenkiinnošta ottamalla yhteyttä Koštamukšen tietoturistikeškukšen kera.
Yhty Oman Median Telegram-kanalah!
