KniiguMelliččy 2026: on jauhottu kaheksa uuttu kirjua
Periodika-julguamon perindöllizes tärgevimäs pivos kerrottih vuvvennu 2025 jullattulois kirjois. Mennyt vuon niidy oli kaheksa uuttu. Niilöis luvus on Sergei Jakovlevan karjalankieline runokogomus ”Kuččuu milma kotimua” da Nina Zaitsevan kaksikieline kirju "Minun vepsläine oza”.
— Sergei Jakovlev oli tovelline karjalaine mies, mečästäi da kalastai, kudai kirjutti omas muas da sen kaunehuos. Häi kerdoi, ku runot tullah hänen piäh ičessäh. Sergei muga äijäl suvaičči Niskan kyliä, omua roindukohtua, ku sinnegi kiändyi ilmazekse igiä. Häi ei ehtinyh nähtä omii runoloi painettuloinnu, ku siirdyi toizel ilmal vuvvennu 2023, ga net jiädih meile, kui paras musto häneh nähte, sanoi Oma Medaile kirjan toimittai Marija Remšujeva.
Mennyzin vuozin Periodikal oli enämbi kirjua.
— Yhtelläh kirjoi lugu ei ole tärgevin. Tärgiembi on se, mittustu luaduu da tazuo net ollah. Periodikashäi net aivin ollah korgiedu luaduu, pidi varmuttu pivos paistes Jelena Migunova, Kanzallizen da alovehellizen poliitiekan ministerstvan kandukanzoin valdivollizen kannatuksen ozaston piälikkö.
KniiguMelličäs ezitetyt kirjat on työtty jogavuodehizen tazavallan kilbah ”Karjalan vuvven kirju”. Periodikan kirjat kilbaillah kilvan kaikis nominatsielois.
Aihies voit lugie ven'akse.
Yhty Oman Median kanualah Telegramas!
