Kitain delegatsii käi Karjalan tiedokeskukseh
Kitan muantiijonseuran edustajat tuldih ruadovastavuksele Karjalan tiedokeskukseh. Ulgomualazet tutkijat käydih tiedokeskuksen ekolougizien tutkimuksien muzeih da paistih meigäläzien tiedomiehien kel ”pyöryžän stolan” tagan.
Ruadomatkan tavoittehennu on tuttavuo Karjalah, sen omažuksih da tutkimuksen keinoloih sego livuttua pitkyaigazii yhtevyksii Karjalan da Kitain tiedomiehien keskes.
— Pyöryžän stolan yhtehvevot ollah hyvät, sen aigah oldih kuultu kaikis tärgevimät da mieldykiinnittävimät ymbäristön tutkimizen suunnat, kudamat kiinnitetäh Kitain mieldy, sanoi Karjalan tiedokeskuksen lehtistöpalvelule varapiämies Aleksandr Slabunov.
Kitain muantiijonseuru on perustettu vuvvennu 1909, äijiä myöhembä, migu vuvvennu 1845 perustettu Ven’an muantiijonseuru. Kitain muantiijonseuru on muan vahnimii järjestölöi, sil on alovehellistu laitostu da 22 komissiedu, kudamis jogahine tutkiu omua aihettu: muatieduo, vezistölöi, kartogruafiedu da muudu.
Kitain tutkijoin ruadomatku jatkau Karjalan tiedokeskuksen da Kitain yhtehisty ruaduo da livuttau kahten muan tiedomiehien pitkyaigazii tiedoyhtevyksii.
Yhty Oman Median kanualah MAX:as!
