“Kirjišton ö-2025”: kirjištod kucuba lugijoid
Karjalan kirjištod tarjoičeba ühtneda “Kirjišton ö-2025” -akcijaha, mitte om omištadud Vägestusen vodele. Ühthižvenälaine akcii mäneb jo 14. kerdan. Sulakun 26. päiväl 16:00 časud Segežan keskuzkirjišt mugažo varastab ičeze lugijoid. Sen polhe starinoitas Segežan kirjišt VKontakte-gruppas.
— Necil ehtal teid varastab täuz’ programm: “Meiden lidn om tetab geroitegoil” -mušteht, miččel mö johtutam gerojid da neniden voziden aigtegoid, om kirjutadud Segežan kirjišton VKontakte-gruppas.
Kirjišton adivoile tarjoitas lekcijoid, mastar’-klassoid, vändoid, viktorinoid da sijaližiden runoilijoiden ezitusid. Ühtnend azjtegoihe om maksutoi.
Adivod ühtneba ”Meiden Vägestusen počt”-mastar’-klassoihe da tegeba koumečogaižid voinkirjeižid da ozatelendkartaižid Vägestusen päiväks. Norembiden adivoiden täht kirjištos linneb vaumištadud “Tundištan Karjalad” -vändsija da stolvändod kodiröunan polhe, mugažo om kirjutadud Segežan kirjišton gruppas.
Uzištoid neciš temas voib lugeda mugažo karjalaks da suomeks.
