Kirjaston ruadajat suadih ližiä neruo
Sordavalan piirikirjasto jo kuvvettu vuottu kandau mudelikirjasto-stuatussua. Tämä on nygyaigaine kirjasto, kus voibi ruadua tiedokonehel libo yhtyö ruadopajah.
Opastus piettih Sordavalan piiris, sih yhtyi Karjalan 18 kirjastonruadajua. Hyö käydih kaččomas Värtsilän modelikirjastuo, kudai avattih vuvvennu 2020, sit käydih Sordavalan piirikirjastoh da vuvvennu 2022 luajittuh Helylän modelikrjastoh.
Ruadodovarišakset šeikuittih kirjastoalan uuzii ruadotaboi, suadih uuttu neruo kirjaston pidoloin järjestämizeh, kačottih, mittumii hyvyksii voi andua modelikirjasto eri kategourieloin ristittyzile.
Kirjaston ruadajat miärättih omua yhtehisty ruaduo vuozikse 2024-2025, ga modelikirjastoloin piäruavonnu nygöi on avvuttua Kul’tura-kanzallizen projektan mugah vastevai avattuloin kirjastoloin ruadajile.
— Moine mieldykiinittäi da tiijolline ammattiyhtevys andau himon muuttua kirjaston ruandua, andau mahton ruadua nuodajen nygyaigazii vuadimuksii da mahton täyttiä yhteiskunnan tahtoloi.
Mustoitammo, ku Sordavalan piirikirjasto sai modelikirjaston stuatusan vuvvennu 2019. Sit aijas kirjaston lugijoin miäry kazvoi kymmenel prosental.
