“Kipinä” -kulehtesen toimišt vedi mastar’-klassan Äipäiväks
“Kipinä” -kulehtesen toimišt vaumišti mastar’-klassan Äipäiväks. Azjtegoho ühtniba Petroskoin Suomalaiž-ugrilaižes školan 4. da 5. klassoiden openikad. Mastar’-klassan vedi “Kipinän” radnik, Karjalan tetab taidehpirdai Margarita Jufa.
— Pigai om Äipäiv -praznik, sikš Margarita Jufa vaumišti avtorskijan mastar’-klassan lapsiden täht. Hö tegiba ozatelendkartaižen Äipäiväks, sanui “Kipinän” -pätoimitai Jana Filimonkova.
— Starinoičin lapsile, miše eskai ku ei ole mujukast bumagad kodiš, voib tehta čomid erimujukahid ozatelendkartaižid. Voib meleteda iče äi erazvuiččid tehnikoid, ližadab Margarita Jufa.
Jana Filimonkova mugažo johtuti školan opendajile, miše “Kipinä” kaiken om vaumiž ühthižradho. Kulehtesen toimišt paksus tuleskeleb erazvuiččiden mastar’-klassoidenke Karjalan školihe vai kucub ned ičezennoks.
